روايه مغامرات أبناء العاصي مياده مامون
المحتويات
كنت بصلي
دخلت عليهم فاطمه ذات الخمسة اعوام سريعا وهي تبكي ومن خلفها عبدالرحمن الصغير
غزل الله مالك يا طمطم بټعيطي ليه عملتي ايه تاني خليتي ليا تزعقلك
انا مس عملت حاجه انا كنت واقفه ساكته هي اللي علطول بتسعقلي
مش عملتي حاجه يا سهونه انتي مش هتبطلي الخصله اللي بقت فيكي دي حتى واحنا نايمين بتصنتي علينا
والله لأقصلك ودانك دول قالتها ليا القادمه من الخارج وهي مرتديه منامة ببنطلون برمودا قصير وتيشرت نصف كم وشعرها اشعس من اثر النوم
ما هي ليها حق البنت تتفزع من
شكلك ده غوري اغسلي وشك وسرحي شعرك ده يا غوله انتي
ليا بقى في ام تقول علي بنتها اللي في ثانوية عامه كده برضو شاهدة عليها يا نانا
روقيه شاهدة يا ختي شاهدة بس بصراحه معاها حق اذا كنت انا ذات نفسي خۏفت من منظرك ده
وقوليلي البت دي عملت ليكي ايه تاني
هتف عبدالرحمن پغضب طفولي
عملت ليها ايه يعني هي مش عملت حاجه مش انتو اللي قولتو ليها تروح تنادي ليهم
الغوله دي اول ما شافتها قدمها كانت هتكولها
والله يا ليا لو كلمتيها لقول لبابي ولا اقولك انا هاقول لعاصي اخليه يطلع يظبطك زي كل مره
صباح الخير عليكو جميعا
روقيه يا صباح الفل علي ملكة جمال العيلة كلها
غمزه يا أخواتي علي الروقان اللي انتي فيه ايه يا انسه تيا انتي فين من الحوار ده كله لاء ونازله مغيره بيچامتك ومسرحه شعرك ورايقه علي الاخر
طب علمي اختك حاجه
صبرني يا رب انتي ايه يا أختي طبعا مانتي ما شوفتيش كانت واقفه بتسجل ليكي ازاي وانتي بتكلمي زين في الموبايل
غمزه ايه ده هو زين اتصل بيكي يا تيا ماقلش ليكي هايجي امتى دا وحشني اوي
هو قعد يتصل بيكي الصبح اد كده عشان يكلمك وبعدين اتصل علي بابي بس قاله انه نزل ورايح علي الشركه
والله نسيته علي الكمود فوق
روح يا بوده هاته قبل ما باباك يتصل وماردش عليه
لاء مش هاروح خليه يجي يعلقه في رقبتك بسلسله زي ما قالك
روقيه ېخرب بيت حنجرتك فزعتيني يا شعنونة يا مجنونه انتي
ليا انتي اټخضيتي يا روكا يا قمر انتي ولا ايه طب ماتزعليش حقك عليا وبدأت تزغزغها وتدعابها بحركات مضحكه
هههههههههه اتلمي يا بنت عاصي حوشي بنتك عني يا غمزه
الله هي راحت فين
تيا طلعت هي تجيب الموبايل قبل ما الۏحش يتصل ويكالها في التليفون هههه
غزل طب يلا بقى اقعدو افطرو عشان نلم السفره دي
ليا بعد ان جلسو جميعا وأجلست فاطمه بجانبها فهي برغم كل مشاكستهم معا الا انها تعتبرها صغيرتها تطعمها وتهتم بها وتحبها كثيرا
امسكي يلا يا طمطم كلي السندوتش ده كله
ده ايه ده انا عايسه لبن
طيب ما انا هجيب اللبن بس بردو كلي السندوتش ده جبنه رومي اللي بتحبيها
لاء مامي هاتجيب لي مس عايسه منك حاجه
ليا بصوت مرتفع
امسكي يا حيوانة وكلي
يلا انتي هاتدلعي ولا ايه عارفه لو قومتي قبل ما تخلصيه انتي حره في اللي هيجري ليكي بقى
خطفت فاطمه منها السندوتش وجرت من جانبها للخارج وهي تصيح
انا هاكل السندوتس كله بس هالوح اقول لعاصي عليكي عسان يجي يسبطك ويخليكي تبطلي تثلخي سويه يا سعنونة
اخذ عبدالرحمن كوب اللبن بعد ان احضرته لها وسندوتشه في يده الاخري وجري خلفها
استني يا طمطم خدي اشربي اللبن بتاعك
ليا وهي تمصمص شفاها
حنين اوي يا أخويا اجري وراها بكوباية اللبن اجري بس اوعى تكفي علي بوزك
ظغرت لها غمزه عيناها معنفه اياها على ما قالته
كسر بوزك انتي يا ام لسان طويل طب يا رب عاصي يطلع يقطم رقبتك والله ما هحوشه عنك يا ليا
هو انتي من امتى وانتي بتحوشي عننا اصلا اذا كنتي انتي ساعات اللي بتحرديهم علينا اذا كان هو ولا ذين
ربنا يخلي لينا غزل حبيبتنا هي اللي مامتنا وديما بتحامي لينا انما انتي ونانا اخ ياني منكم انتو اللي اتنين ياني
تيا لاء محدش ليه دعوه بروكا روكا دي بتاعتي انا لوحدي هي وجدو عبدالرحمن حبايب قلبي دول
روقيه هو في زيك انتي يا نور عيني ربنا يخليكي ليا واشوفك عروسه يا رب
غمزه ايه ده كده برضو بعتوني في لحظه يا كلاب
غزل هو انتي عايزه تكوشي علي حب الكل ولا ايه مش كفايه عليكي الشباب وبوده وطمطم
غمزة اشبعي بيهم دول حياللا بنتين خايبين انا بقي
متابعة القراءة
